Al-shabaab ayaa saaka aroortii weerar ku billawday qaraxyo lagu soo raray Gawaari ku qaadday Magaalada Galcad ee Gobolka Galgaduud.
Magaaladan oo dhowaan laga qabsaday Al-shabaab waxaa ku sugnaa Ciidamada Dowladda Federaalka & Dadka deegaanka ee iskaashanaya.
Weerarka kadib waxaa dhacay Dagaalka uu ka dhashay khasaare dhimasho, dhaawac & burbur hanti, kaas oo soo kala gaaray labada dhinac dagaallamay.
Inta la xaqiijiyay waxaa dagaalka ku dhintay AHUN Taliye ku xigeenka Ciidanka gaarka u tababaran ee DANAB Xasan Maxamed Cismaan oo ku magac dheer (Xasan Tuure), waxa uu kamid ahaa saraakiisha hoggaamineysay howlgalka lagu qabtay Galcad & deegaanno kale.
Taliye Xasan Tuure waxaa la geeriyooday qaar kamid ah Ilaaladiisa inkasta oo aan faah-faahin rasmi ah laga bixin in uu ku dhintay qaraxyada iyo in uu ku naf waayay dagaalka tooska ah ee xigay.