Talaadadii shalay Xildhibaanada Baarlamaanka Jubbaland ayaa ansixiyay qodob u diidaya inay ku kulmaan meel ka baxsan magaalada Kismaayo, iyagoo wax ka bedel ku sameeyay qodobka tilmaamayay in Baarlamaanka Jubbaland ay ku kulmi karaan ama ku shiri karaan meel kasta oo ka mid ah deegaanada Jubbaland.
Xildhibaan Cumar Buraale Axmed gudoomiyaha gudiga Anshaxa Baarlamaanka Jubbaland oo lahadlay barnaamijka Bartilmaameedka Simba ayaa sheegay in Jubballand ay ku hamineyso in maamulkooda ay ku baahiyaan deegaanada ka maqan gacanta dowlad goboleedka kana saaraan Islaamiyiinta meelaha ay kaga suganyiihin gobolada Jubooyinka iyo Gado sida uu hadalka u dhigay
Xildhibaanka ayaa sheegay iyadoo midaasi laga duulay inay xildhiibnadu isla qaateen in la mamnuuco meel ka baxsan Kismaayo inay mudaneyaasha Jubbaland ku shiraan ama ku kulmaan si uusan ukala dhantaalmin wada jirka Xildhibaanada iyo masuuliyiinta Maamulkaasi sida uu Xildhibaan Buraale hadalka u yir
Illaa 38 Xildhibaan ayaa ansixiyay wax ka bedelka qodobka mamnuucaya in Baarlamaanka Jubbaland ku kulmaan meel ka baxsan magaalada Kismaayo.Xildhaanada Jubbaland ayaa la sheegaa inaysan la xisaabtami karin Golaha Wasiirada iyo Madaxda Jubbaland.
Dhowr Xildhibaano oo aragtidooda siyaasadeed soo bandhigay, kana soo horjeestay Maamulka Axmed Madoobe ayaa la xiray, qaarkoodna laga musaafuriyay Kismaayo, waxaana lagala noqday xasaanadii Xildhibaannimo.