Faah fahino dheeraad ah ayaa kasoo baxay Qarax gaarigiisa loogu Xiray mid kamid ah Mas.uuliyiinta wasaarada Caafimaadka Dowlada Federaalka Soomaaliya oo marayay wadada Makka Al-mukarrama ee magaalada Muqdisho.
Al-shabaab ayaa sheegatay qarax gaarigiisa loogu xiray Sarkaal katirsan Wasaarada Caafimaadka Dowlda Soomaaliya, oo marayay inta u Dhexeysa Warta Siigaale iyo Xarunta Magareeshinka ee Degmada Hodan.
Sargaalka Qaraxa loogu xiray Gaarigiisa ayaa magaciisa lagu soo gaabiyay Xirsi , kaa uu dhaawac culus oo dhanka hoose ah kasoo gaaray Qaraxa garigiisa loogu xiray ee maanta Ka dhacay Magaalada Muqdisho.
Xiriiro idaacada Simba ee Magaalada Muqdisho ay la sameysay Saraakiisha Ciidamada Dowlada Soomaaliya ayaa ka gaab saday iney wax faah faahin ka bixiyan Dhaawaca soo gaaray Xirsi oo katirsan Mas,uuliyiinta Wasaarada Dowlada Soomaaliya Ee dhaawaciisa hada lagu dabiibayo Xarumaha Caafimaadka ee Magaalada Muqdisho.