Waxaa dib u dhac ku yimid Caleema saarka Madaxweynaha cusub ee Hirshabeelle Maxamed Cabdi Waare oo lagu waday in la qabto maalinta Isniinta oo ku beegan 16-ka bisha October.
Madaxweyne Farmaajo oo ka mid ah Madaxda lagu casuumay ka qeyb galka Munaasabada caleema saarka ayaa la sheegay inuu dalbaday in dib loo dhigo.
Saraakil ka Tirsan Madaxtooyadda Hir-shabeelle ayaan kasoo xiganay in Madaxweyne Farmaajo uu codsaday in howlaha u yaalla darteed dib loogu dhigo munaasabada caleema saarka.
Sidoo kale wararka ayaa sheegaya in Caleemasaarka Madaxweynaha Maamulka Hirshabeelle dib loo dhigay 23-ka bishan oo ku beegan Isniinta soo socota
Madaxweynaha Cusub ee Hir-shabeelle Maxamed Cabdi Waare oo la doortay 16-kii bishii hore ee September ayaa caleema saarkiisa labo jeer ay dib u dhacday caleema saarkiisa.
Qaban qaabada iyo diyaar garowga munaasabada caleema saarka ayaa maalmihii la soo dhaafay laga dareemayay magaalada Jowhar ee Caasimadda Maamulkaa, iyadoo ammaanka si aad ah loo adkeeyay.