Diyaarad dagaal oo mareykanka uu leeyahay ayaa duqeysay saldhig ay ku sugnaayeen dagaalyahanada Xarakada Al-shaabab oo ku yaala Degmada baraawe Gobolka Shabeelaha hoose ee Koonfurta dalka Soomaliya.
War saxaafadeed Mareykanka kasoo baxay ayaa lagu sheegay in weerarka laga fuliyay Maalinkii khamiistii meel ku dhow magaalada Baraawe ee koonfurta Soomaaliya.
Waxaa la xaqiijiyay in hal gantaal lagu dhuftay saldhiga dagaalayahanada Al-shabaab ay ku lahaayeen deegaanka baraawe ee Gobolka Shabeelaha hoose.
Weerarkaas ayaa la sheegay in lagu dilay dagaalyahano ka tirsan Xarakada Al-shaabab oo ku sugnaa Saldhiga Degmada baraawe, inkastoo aan lasoo bandhigin qasaaraha rasmiga ah ee ka dhashay weerarkaas.
Milatariga Mareykanka ayaa dhowr jeer duqeeyay dagaalyahanada Xarakada Al-shabaab, tan iyo markii uu madaxweyne Donald Trump uu ogolaaday in howlgalo millatari Soomaliya laga fuliyo.