Wasaaradda Qorsheynta iyo iskaashiga caalamiga ah ee Xukuumadda Soomaaliya iyo Safaaradda Dowladda Norwey ee Soomaaliya ayaa maanta waxa ay Magaalada Muqdisho ka daah fureen Mashruuca Xasilinta Dalka oo ka mid ah mashaariicda wasaaradda qorsheynta Soomaaliya ay ugu tala gashay horumarinta dalka.
Danjire ku xigeenka safaaradda Dowladda Norwey ee Soomaaliya Vebjorn Heines oo ugu horeyntii kulanka ka hadlay a ayaa sheegay in waxa ugu muhiimsan ee mashruucan loo fulinayo uu yahay in shaqa abuur loo sameeyo dhalinyada Soomaaliyeed maadaaama ay yihiin qeybta ugu badan Bulshada.
Wasiirka wasdaarada qorsheynta iyo iskaashiga caalamiga ah ee Soomaaliya C/raxmaan Yuusuf Cali Ceynte ayaa sheegay in mashruucaan uu ka mid yahay mashaariicda ugu waa weyn ee dalka laga hir geliyay.
Sidoo kale Wasiir C/raxmaan Yuusuf Cali Ceynte ayaa tilmamay in mashruucaan uu waafaq sanyahay qorshaha qaranka ee sedaxda sano soo socoto isagoo ugu mahad celiyay dowlada norwey sida ay ugula shqeysay mashrucuaan fulintiisa.





