Xili Todobaadkaan Gudihiisa gaari waxyaabaha qarxa ay saarnaayeen lagu weeraray afafka hore ee xarunta Madaxtooyada Soomaliya ayaa xalay waxaa warbaahinta Al-shabaab laga baahiyay codka nin la sheegay in uu ahaa shaqsigii Fuliyay weerarka.
Idaacada ku hadasha afka xarakada Al-shabaab Andallus ayaa baahisay codka iyo dardaaran uu jeedinayay ninkii fuliyay weerarkii ismiidaaminta ahaa ee ka dhacay hotelka SYL ee magaalada Muqdisho kaasi oo ay ku dhinteen dad kor u dhaafaya 40-ruux.
Ninkaan ayaa Al-shabaab waxay magaciisa ku sheegeen Jaabir C/llaahi Diiriye oo 44 jir ahaa, kuna dhashay deegaanka Buusaar ee Gobolka Gedo ee Koonfurta dalka Soomaliya, waxayna Al-shabaab sheegtay inuu ka soo jeedo Beesha Mareexaan.
Jaabir C/llaahi Diiriye oo al-shabaab tilmaameen in uu ahaa ninkii fuliyay weerarkiii Hoteelka SYL ayaa codka laga duubay ku sheegay in fulinta weerarkiisa uu Alle ugu dhowaanayo wa siduu hadal u dhigeen uuna naftiisa u hurayo leynta wax uu u ku tilmaamay cadowga Alle.

