Ku-xigeenka wakiilka gaarka ah ee Midawga Africa u qaabilsan Somaliya Lydia Wanyoto, ayaa sheegtay in ay ka hortagi doonaan in Xarakada Al shabaab carqalad ku noqdaan Doorashada lafilayo in ay dabayaaqada sanadkaan ka dhacdo Somaliya.
Lydia Wanyoto,Waxa ay sheegtay in ayaga oo kaashanaya Ciidamada Xoogga dalka Soomaaliyeed ay ka shaqayn doonaan sidii doorashada Somaliya ay ugu dhici laheed qaab nabdoon.
Midawga Africa ayaa tilmaamay in ay la shaqayn doonaan Guddiga dhawaan loosoo magacaabay doorashada madaxtinimo iyo midda baarlamaanka ee lagu wado in ay dhacaan bilaha October , September ee Sanadkaan.
Taliyaha Ciidamada AMISOM, Generaal Osman Noor Soubagleh, ayaa sidoo kale waxaa uu tilmaamaay in ay samayn doonaan hawlgalo ka dhan ah Xarakada Al shabaab oo wali sugan qeybo kamid ah Gobolada dalka Soomaliya.
Hadalkaan ayaa soo baxay kadib 4 maalin oo kulan ay yeesheen Taliyayaasha Ciidamada Midowga Afrika ee AMISOM iyo kuwa Xoogga dalka Soomaliyeed.

