Cidamada Xoogga dalka Soomaliyeed oo gacan Milatari ka helaya kuwa Amisom ayaa maanta Howlgal kula wareegay deegaano iyo tulooyi dhaca Galbeedka Magaalada Baledweyne ee Xarunta Gobolka Hiiraan.
Deegaanada ay ciidanka dowlada Soomaliya iyo kuwa Amisom gaar ahaan kuwa Jabuuti ay la wareegeen ayaa kala ah Ceelbaar, Luuq Jeelow iyo deegaanno kale, waxayna qiyaas ahaa 30 Km u jiraan magaalada Baladweyne, ee xarunta gobolka Hiiraan.
Howlgalkaan waxaa hoggaaminaya Maxamed Ibraahim C/laahi oo ah guddoomiye ku xigeenka amniga iyo siyaasadda gobolka Hiiraan, Guddoomiyaha magaalada B/weyne Maxamed Cismaan Cabdi Qallaafow,Taliyaha guutada 10-aad ee ciidanka xoogga dalka Somaliyeeed Korneel Tawane Axmed Gurey, Taliyaha ciidanka AMISOM gaar ahaan kuwa Jabuuti ee gobolka Hiiraan Korneel Xasan Jaamac iyo saraakiil kale.
Arintaan ayaa kusoo beegamaysa xili Bishaan Gudaheeda Ciidamada Xoogga dalka Soomaliyeed ay weerar qorshaysan ay ka fuliyeen deegaanka Luuq Jeelow waxaa howlgalkaas lagu dilay madaxii Howlgalada Al-shabaab ee Gobolka Hiiraan.

