Magaalada Boosaaso ee Xarunta Gobolka Bari waxaa Lagu soo bandhigay Saddex ruux oo la sheegay in ay ka Tirsan Yihiin Kooxda Daacish iyo Xarakada Shabaab.
Wararka ayaa sheegaya saddexdaan ruux ee ciidamada amaanka gacanta ku soo dhigeen in labo ka mid ah lagu qabtay Koontaroolka Magaalada Boosaaso, halka ruuxa saddexaad lagu qabtay Garoonka Magaalada Boosaaso.
1-Axmed Aadan Cabdulaahi Aw-Cabdi (Shaafici), ayaa sheegay inuu ka mid ahaan jiray Shabaab, balse markii dambe uu ku biiray Kooxda Daacish ee Buuraha Galgala ku sugan, 2-Muuse Aadan Maxamed oo naaneestiisa ay tahay (Gaaldile) ayaa isagana waxa uu sheegay inuu ka tirsan yahay Shabaab, Ninka Saddexaad oo magaciisa la dhaho Cabdulaahi Ibraahim, ayaa 15 maalin ka hor wuxuu ka soo baxsaday Al Shabaab, wuxuuna sheegay inuu ka cabsi qabo Shabaabka inay dilaan.
Deeganada Maamulka Puntland waxaa maalmihii dambe ka socday Howlgalo la sheegay in lagula dagaalamayo dagaalyahano ka Tirsan Xarakada Al-shabaab.
