Madaxweynaha Maamulka Puntland Dr C/wali Maxamed Cali Gaas ayaa sheegay in maamulkiisa uusan marnaba aqbali doonin in dilo dadka indhaha u ah shacabka Magaalada Gaalkacyo ee Gobolka Mudug.
Madaxweynaha dowladda Puntland ayaa yiri isagoo shacabka la hadlayay.” Labo midbaa inoo bannaan, inaan sidii Goronyadii madaxa ciida gashano ama inaan isdifaacno, wax u dhexeeya ma jiraan. “Reer Gaalkacyood waxay u hubaysan yihiin qabiil qabiil, jufi jufi sidee u dhici kartaa in wiil yar oo madax jabis ah uu maalin kasta laayo hal-doorkiinii, halka inta kalena ay noqdaan kuwo carara iyo qaar aan hadli karin,” ayuu yiri madaxweyne Gaas.
Shacabka Magaalada Gaalkacyo ee Gobolka Mudug ayuu ugu baaqay in ay u midoobaan kuwa mar walba dila dadka indhaha u ah Shacabka Magaaladaas.
Shalay ilaa Maanta waxaa Magaalada ka socday Kulamo loogu hadlaayay amaanka kadib markii Magaaladaas ay ka dhaceyn dilal loo geystay Mas’uuliyiin ka Tirsan Puntland.