Magaalada Cadaado ee Caasimada Galmudug waxaa maanta Tababar loogu furey Ciidaan cusub oo ka mid noqonaya Ciidamada Booliska Galmudug, waxaana tirada maanta tababarka loo furay ay yihiin 400 oo Askari.
Askartaan ayaa laga soo kala aruuriyay dhamaan deeganada Maamulka Galmudug, waxaana munaasabadii maanta tababarka loogu furaayay goobjoog ahaa Madaxweyne ku xigeenka Galmudug iyo qaar ka tirsan Wasiirada Galmudug.
Ciidankaan cusub ayaa 60 ka mid ah waxa ay yihiin Haween halka inta kalena ay yihiin Rag, kuwaasi oo doortay inay ka mid noqdaan Booliska Galmudug.
Madaxweyne ku xigeenka Maamulka Galmudug Maxamed Xaashi Carabey oo munaasabada ka hadlay ayaa sheegay in Maamulka Galmudug uu mar walba diyaar u yahay tayeynta Ciidamada dowlad Goboleedka Galmudug.






