Cali Xarbi Cali, oo ah Soomaali British lagu eedeeyay dilka xildhibaanka xisbiga Conservative-ka Sir David Amess ayaa maxkamadda u sheegay inuusan wax ceeb ah la kulmin isagoo qirtay inuu dilay xildhibaanka xisbiga Conservative-ka sababtoo ah wuxuu u codeeyay toddobo sano ka hor olole militari oo ka socday Suuriya.
Cali Xarbi Cali, oo 26 jir ah, ayaa in ka badan 20 jeer mindi ku galiyay xildhibaan Amess kaniisada Belfairs Methodist ee ku taal Leigh-on-Sea, Essex, waxyar kadib duhurnimadii 15kii Oktoobar 2021, sida ay sheegeen goobjoogayaal.
Isagoo maxkamadda u sheegay inuu isu haysto inuu yahay “Muslim dhexdhexaad ah”, wuxuu sheegay inuu horay u rajaynayay inuu dilo Michael Gove, oo hadda ah xoghaye heerka sare ah. Wuxuu dafiray inuu diyaariyay falal argagixiso iyo dil.
Isaga oo xiran dhar madaw, eedaysanaha oo la arkayay ayaa u sheegay xeerbeegtida
“Waxa aan go’aansaday in aan sidaa yeelo sababta oo ah waxa aan dareemay in haddii aan dili karo qof qaatay go’aan lagu dilayo Muslimiinta, ay ka hortagi karto dhibaato kale oo soo gaarta Muslimiintaas.”
Cali waxa uu sheegay in Amess ay hore isaga iyo xildhibaano kale ugu codeeyeen in la taageero duqeymaha cirka ah ee lagu hayo dhulka ay maamulaan dawladda Islaamiga ah ee Suuriya, codbixintaasi oo dhacday sannadkii 2015-kii oo uu xilka hayay ra’iisal wasaarihii hore ee David Cameron