Wararka naga soo gaaraya deegaanka Ceelasha Biyaha ee duleedka magaalada Muqdisho ayaa sheegaya in Xalay halkasi ay hawlgalo qorsheysan ay ka sameeyen Ciidamo katirsan kuwa Dowladda Fedaralka ee Soomaaliya.
Hawlgaladaan oo ahaa kuwa xoogan ayaa waxaa sameenayay Ciidamo katirsan Booliiska Soomaaliyeed oo ka baxay magaalada Muqdisho.
Dad ku sugan deegaanka Ceelasha Biyaha oo la hadlay Idaacada Simba ayaa usheegay in hawlgalkaan oo ka duwanaa kuwii hore, waxyana sheegeen in ciidamada Dowladda ay lug ku soo galeen Ceelasha Biyaha .
Ciidamada ayaa guryaha ka soo bixinayay Dhalinyarada iyaga oo isku ku keenyay goobo barxada ah oo ku yaala Ceelasha Biyaha,halkaasi oo ay mid mid ugu baarayen.
Laamaha ammniga Dowlada wali ma aysan shaacin cid ay ku soo qabteyn hawlgalkaan, waxaana maalmihii la soo dhafay aad loo adkeeyay Koontarolada laga soo galo magaalada Muqdisho, iyadoona la arkayay Ciidamada Dowlada oo si wayn ubaaraya dadka soo galaya iyo kuwa ka baxa magaalada Caasimada ah ee Muqdisho.