War qoraal ah oo kasoo baxay golaha amaanka ee qaramada midoobey ayaa waxaa lagu sheegay in ay laashay hishiis ay horay usaxiixday oo ahaa in la dhimayo ciidamada midowga Africa ee amisom ee nabad ilaalinta ujooga gudaha gayiga Soomaaliya .
Ciidamada midowga Africa ee Amisom ee ku sugan Soomaaliya ayaa horay waxaa golaha amaanka ee Qaramada Midoobey iyo midowga afrca hishiis ay wada galeen ayaa waxaa uu ahaa in la dhimi doono ciidamada Amisom dhamaadka bisha Octobar ee sanadkan iyadoona haatan war kasoo baxay golaha amaanka ee Qaramada Midoobey lagu sheegay in gabi ahaanba hishiis kaasi ay iskaga baxday.
Dhanka kale warkan kasoo baxay golaha amaanka ee Qaramada Midoobey Waxaa sidoo kale codsi dheer loogu diray xoghayaha guud ee Qaramada Midoobay in ay sii wadaan taageerada taakuleynta AMISOM, 70-ka shaqaale rayid ah iyo 10,900-askari oo ka tirsan Ciidamada dowlada federaalka ah ee Soomaaliya oo si wadajir ah ula shaqeynaya AMISOM iyo hawlgalka Qaramada Midoobay ee kaalmooyinka Soomaaliyaee marka magacooda lasoo gaabiyo looyaqaan (UNSOM)
Sanadii aynu kasoo gudubnay goluhu amaanka ee Qaramada Midoobey ayaa waxaa uu ka codsaday Midowga Yurub iyo Qaramada Midoobay in ay sameeyaan qiimeyn wadajir ah oo ku saabsan hawlaha AMISOM – balse qiimeyntan ayaa dib loo dhigay, taasoo keentay in la ballaariyo ciidamada AMISOM muddo laba bilood ah si loo qiimeeyo mudnaanta dheereynta ciidamada AMISOM
Looma baahna in dib-u-habeyn qoto-dheer lagu sameeyo ciidamada midowga afica ee AMISOM ee nabad ilaalinta ujooga Soomaaliya, maadaama hormaro dhanka amniga ay ka sameeyeen guud ahaan Soomaaliya , ayuu yiri Xoghayaha Guud ee Qaramada Midoobey
Midowga Africa ayaa sanadii 2007dii waxaa ay ciidamo usoo direen gudaha dalka Soomaaliya si ay ugab istagaan dowlada soomaaliya loona wiiqo awooda dagaalyahanada Xarakada Al-shabaab ee ka dagaalama Soomaaliya, iyadoona kudhawaad in kabadan 22,000 oo askari oo qeyb ka ah ciidamada AMISOM ay haatan kusugan yihiin gudaha dalka .
Ciidamada ku sugan guud ahaan Soomaaliya ee qeybta ka ah Amisom waxaa ugu badan ciidamada ka socda dalkaasi Uganda si ay qeyb kaga noqdaan howlgalka nabad ilaalinta guud ahaan Soomaaliya.