Wararka ka imaanaya deegaanada maamulka galmudug ayaa waxa ay sheegayaan in weerar madaafiic ah xalay lagu qaaday garoonka diyaaradaha magaalada dhuusamareeb ee caasimada maamulka galmudug
Waxaana wararku ay kusoo waramayaan in tiro hoobiyaal ah lagu weeraray ciidamada aminsom ee ku sugan garoonka diyaaradaha ugaas nuur ee magaalada dhuusamareeb
Ila deegaanka ah ayaa waxa ay inoo sheegeen in ay maqlayeen dhawaqa jug culus iyo raasas teel teel ah islamrkaasna ay ka maqlayeen dhanka garoonka diyaaradaha magaalada dhuusamareeb
Rag hubeysan oo la aaminaanyahay in ay ka tirsan yihiin dagaalamayaasha alshabaab ayaa waxa la sheegay in ilaa iyo ku dhawaad 10 hoobiya ah inay ku weerareen garoobka iyadoona wararku ay sheegayaan in ciidamada amisom gaar ahaana kuwa jabuuti oo ku sugnaa garoonka diyaaradaha magaalada dhuusamareeb iyaguna madaafiic ku jawaabeen
Wali maamulka galmudug iyo taliska ciidanka amisom ka mahadlin weerrarka madaafiicda ah ee lagu qaaday garoonka diyaaradaha magaalada dhuusamareeb
Ilaa iyo hada si rasmi ah looma oga qasaaraha dhabta ah ee ka dhashay weerarkaan
Al-shabaab wararka ay barahooda interneetka ku faafiyaan waxa ay ku sheegeen in weerar culus ay ku qaadeen magaalada dhuusamareeb ee caasimada maamulka galmudug
Isku soo wada duuboo ma ahan markii ugu horeysay oo weerar madaafiic ah lagu qaado garoonka diyaaradaha ugaas nuur ee magaalada dhuusamareeb
Waxaana dhowr jeer sidaan oo kale xiliyada habeenkii ah weerar madaafiic ah loogu garaacay garoonka diyaaradaha magaalada dhuusamareeb
Taasi oo keentay in muddo kooban ay hakad gasho shaqada garoonka
Walow maamulka galmudug uu sheegay xiligaas in sababo amnidaro aysan ujoogsan shaqada garoonka diyaaradaha magaalada dhuuaamareeb