spot_img

Ciidamada Dowladda Oo Howlgalo Culus Ka Fuliyay Muqdisho

Ciidamada Dowladda gaar ahaana Kuwa Sida gaar ka ah utababaran ee Haramcad ayaa xalay waxa ay howlgalo lagu balaaran ka sameeyeen Xaafadaha qaar ee degmooyinka Gobolka Banaadir

Howlgaladaan ayaa si gaar ah ciidamadu uga fuliyeen Xaafadaha Degmada hodan ee Gobolka Banaadir iyadaana Howlgaladaan uu hogaaminayay Taliyaha Saldhiga Ciidanka Booliska Degmada hodan

Intii howlgaladu ay socdeen ayaa waxaa lagu soo qabtay dad u badnaa dhalinyaro kuwaasii oo baaritaano kala duwan lagu sameeyanayay

Taliyaha Saldhiga Ciidanka Dagmada hodan Cabdullaahi Xasan oo warbaahinta la hadlay ayaa faahfaahin ka bixiyay ujeedka howlgalkaan

Waxaana uu sheegay in ujesdku uu ahaa xaqiijinta amaanka iyo ka hortaga kooxaha burcadda ah ee xiliyada habeenkii ah dhaca ka geysta Xaafadaha Degmada

Taliyaha ayaa dhankale dhalinyarada howlgalka lagu soo qabtay ka dalbaday in Ciidamada amaanka ay kala shaqeeyaan sugida amniga

Maamulka Degmada hodan ayaa maalmihii dambe howlgalo waday xaafadaha Degmada iyaga oo sheegay in ay kaga hortagayaan Falalka amnidaro

Related Post

Wararka