Wasaarada amniga maamulka Koonfur galbeed ayaa xaqiijisay in saaxiibada caalamka ee Soomaaliya ay xalay howlgal duqeyn ah oo lagu dilay Horjoogayaal ka tirsan Dagaalamyaasha Al-Shabaab ay ka fuliyeen deegaanka Ma’moodow oo qiyaastii 40-km dhanka waqooyi uga began degmada Xudur ee gobolka Bakool.
Duqeynta ayaa waxaa ku naf waayay Horjoogayaal ku mashquulsanaa sidii loo dhibaatayn lahaa hantida shacabka Soomaaliyeed,waxaana xubnaha la duqeeyey isku dayeen in ay wada u galaan gaadiid ganacsi iyo kuwo gargaar u siday degmada Xudur ay lagu yiri warkasoo baxay maamulka koonfur galbeed .
Duqeynta oo ka dhacday deegaanka Ma’moodow ee gobolka Bakool ayaa qeyb ka ah qorshaha Dowladda Federaalka, saaxiibada Soomaaliya iyo maamul Koonfur galbeed ku doonayaan sidii Al-Shabaab looga saari lahaa guud ahaan deegaanada maamulkaasi.
Horjoogayaal ka tirsan dagaalamayasha Al-Shabaab oo ka firxaday howlgalka ay wadaan ciidanka Dowladda Federaalka iyo kuwa saaxiibada caalamka ayaa si dhuumaaleysi ah ku jooga deegaano ka tirsan gobolka Bakool, kuwaas oo lagu raad joogo ayaa lagu yiri qoraalka .
Dowladda Federaalka iyo maamulka Koonfur galbeed oo ka jawaabaya baaqa shacabka gobolka Bakool ee go’doominta dagaalamayaasha Al-Shabaab ayaa qaaday howlgal lagu beegsanayo al-shabaab si looga dul qaado dhibaatada shacabka ku hayaan ayaa lagu sheegay qoraalka kaasoo baxay maamulka koonfur galbeed.