Soomaaliya oo Xoojineysa Dadaalkeeda Ku aaddan Inay Ku Guulaysato Xilka Xoghayaha Guud ee IGAD

Wasiirka Arrimaha Dibadda Soomaaliya Amb. Ahmed Isse Cawad ayaa magaalada Adis-ababa ee dalka Ethiopia kula kulmay dhigiisa ka soo kala jeeda dalalka Ethiopia, Kenya, Sudan, Jabuuti, Koonfurta Suudaan iyo Uganda,isagoona kala hadlay sidii ay u aqbali lahaayeen uguna codeyn lahaayeen  Dr. Abdusalam Hadliye Omer, oo ah Wasiirkii hore ee arrimaha dibadda oo u taagan qabashada xilka Xoghayaha Guud ee  Urur Goboleedka IGAD.

Wasiirka Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya ayaa Wasiirada kula kulmay Addis Ababa,halkaasi oo uu ka socda shirka fadhigiisa 32-aad ee kulanka Golaha Fulinta ee Midowga Afrika.

Inkastoo Soomaaliya ay xubin fir fircoon ka tahay Urur Goboleedka IGAD,ayaa hadana markii ugu horeysay waxay shaacisay iney musharax u tahay qabashada xilka Xoghayaha Guud ee Urur IGAD oo u sharxan Wasiirkii hore ee Arrimaha dibada Soomaaliya Dr. C/salaam Hadliye Omar..

Urur Goboleedka IGAD oo xaruntiisa dhexe ay tahay dalka Jabuuti ayaa lagu aasaasay aragti ka timid qaar ka mid ah Hogaamiyaashii Geeska Africa oo uu ku jiro Alle ha u naxariistoo madaxweynihii hore ee Soomaaliya Maxamed Siyaad Barre.

Leave a Reply

Your email address will not be published. Required fields are marked *

*