Raisulwasaaraha Ethopia oo Loogu Baaqay in uu Xaliyo Dagaalka Soomaalida iyo Oromada.

Ra’iisal Wasaaraha Dalka Ethiopia Abiy Axmed ayaa lagu wadaa inuu 30ka bishan July booqasho ku yimaaddo magaalada Minneapolis.

Booqashada Ra’iisal Wasaaraha ayaa ku soo beegmaysa iyada oo ay jirto xiisad colaadeed oo u dhaxaysa qowmiyadaha Soomaalida iyo Oromada.

Gobolka Minnesota ee dalkan Maraykanka waxaa uu ka mid yahay meelaha ay ku noolyihiin Qurbbajoogta u badan ee labada qowmiyadood.

Qaraar ay soo saareen Golaha Deegaanka ee Magaalda Minneapolis, uuna ku saxiixnaa Duqa magaalada Jacob Frey, ayaa waxa uu ugu baaqay dowladda Ethiopia ee uu hogaamiyo Dr. Abiy Axmed inay joojiso colaadda u dhaxaysaa qowmiyadaha Soomaalida iyo Oromada ee wadanka Ethiopia,

Sidoo kalena ay ilaaliso amniga, hantida iyo xuquuqda aadanaha ee bulshooyinka labada qowmiyadood oo dhawaanahaan ay dagaallo ku dhexmarayeen deegaanno ka tirsan wadanka Ethiopia.

Leave a Reply

Your email address will not be published. Required fields are marked *

*