Faah-faahin;-Al-shabaab oo Saakay Weerar Culus Ku Qaaday Afgooye

Wararka ka imaanaya Gobolka Shabeelaha Hoose ayaa ku waramaya in Al-shabaab ay saakay xiligii salaada Subax kadib,weerar xoogan ay ku qaadeen Degmadda Afgooye ee Gobolkaas.

Sida ay inoo xaqiijiyeen dadka deegaanka, dhawaqa hubka culus ayaa saakay laga maqlayay gudaha degmadaas oo ay is weedaarsanayeen Ciidamaddda Shabaab iyo kuwa Dowladda Soomaaliya.

Al-shabaab ayaa weerarkaan ku ekeeyay, saldhiga ay Ciidamada Dowladdu ku leeyihiin aagga Buulo Fooliyo. Waxaana la sheegay in dagaayahanadda weerarka soo qaaday ay ka yimaadeen awdheegle.

Dhanka kale Mas’uuliyiin ka Tirsan Maamulka Gobolka Shabeelaha Hoose oo la hadlay idaacadda Simba ee magaaladda Muqdisho, ayaa sheeay in shabab ay degmada soo weerareen islamarkaana ay iska difaaceen Ciidmadda Dowladda Soomaaliya.

Waxay sheegeen in weerarka uusan geysanin khasaare sidaas u weyn, islamarkaana ay xaaladda ay haatan dagan tahay.

Dhanka kale dagaalyahano ka tirsan Al-shabaab ayaa xalay weeraro ku qaaday Deegaanada Tixsiile, Garas-bandiiro iyo Warmaxan, oo ku yaala wadada xiriirisa Degmooyinka Afgooye iyo Wanlaweyn.

Al-Shabaab waxaa u suurta gashay in ay la wareegaan deegaankas.

 

Leave a Reply

Your email address will not be published. Required fields are marked *

*